Il Natale dell’Anno Domini 2023 sarà ricordato come quello più esposto all’assalto del modernismo, in nome di molteplici pretesti pseudo umanitari, per affralire i valori bimillenari dell’Occidente e in special guisa delle mai passate Due Sicilie. Le cronache sono colme di sataniche iniziative per confondere e soppiantare le ataviche reminiscenze natalizie. E’ pertanto un Natale di estrema mobilitazione per chi tiene alla propria identità per agevolare il corso della storia che conduce alla trionfo della verità e della giustizia in tempi che la miopia mondana non può concepire né prevedere. Ecco perché proponiamo la massima e insuperata espressione per l’arrivo del Salvatore composta dal santo napolitano e borbonico Alfonso Maria de’ Liguori.
Quanno nascette Ninno a Betlemme,
era nott’ e pareva miezo juorno.
Maje le stelle lustre e belle
se vedèttero accussí:
e ‘a cchiù lucente,
jette a chiammà li Magge a ll’Uriente.
De pressa se scetajeno l’aucielle
cantanno de na forma tutta nova:
Pe’nsi’ ‘e grille co’ li strille,
e zombanno ‘a ccá e ‘a llá:
È nato! È nato!
decévano – lo Dio che nce ha criato! –
Co’ tutto ch’era vierno, Ninno bello,
nascettero a migliara rose e sciure
Pe’ nsi’ ‘o ffieno sicco e tuosto,
che fuje puosto – sott’a te,
se ‘nfigliulette
e de frunnelle e sciure se vestette
A nu paese che se chiamma Ngadde,
sciurettero le vigne e ascette ll’uva.
Ninno mio sapuretiello,
rappusciello – d’uva si’ Tu
ca, tutt’ammore,
faje doce ‘a vocca e po’ ‘mbriache ‘o core.
Non c’ cerano nnemmice pe la terra,
la pecora pasceva co’ lione;
co’ o crapette – se vedette
‘o liupardo pazzeà;
l’urzo e’o vitiello,
E co’ lo lupo ‘n pace ‘o pecoriello.
Se rrevotaje ‘n somma tutt’ ‘o Munno,
lu cielo, ‘a terra, ‘o mare, e tutt’ i gente.
Chi dormeva – se senteva
‘npiett’ ‘o core pazzià;
pe la priezza,
E se sunnava pace e contentezza.
Guardavano le ppecore ‘i Pasturi,
e n’ Angelo sbrannete cchiù d”o sole.
Comparette – e le dicette:
no ve spaventate no;
contento e riso:
la terra è addeventata Paraviso.
A vuie è nato ogge a Bettalemme
du munno l’aspettato Sarvatore.
dint’ ‘i panni ‘o trovarrite,
nun nipote – maje sgarrà,
arravugliato,
e dinto a lo Presebbio coricato.
A meliune l’Angiule calate
co’ chiste se mettetten’ a cantare:
Gloria a Dio, pace ‘n terra,
non cchiù guerra – è nato già
lo Rre d’amore,
che dà priezza e pace a ogni core.
Sbatteva ‘o core ‘mpietto a sti Pasture;
e l’uno ‘n faccia all’auto diceva:
che tardammo? – Priesto, jammo,
Ca mme sento scemunì
pe’ lo volìo
che tengo de vedé sto Ninno Dio.
Zombanno, comm’a cierve ferute,
correttero ‘i Pasture a la Capanna;
là trovajeno Maria
co’ Giuseppe e a gioia mia;
e ‘n chillo Viso
Provaieno no muorzo e Paraviso.
Restajeno ‘ncantate a boccapierte
pe’ tanto tiempo senza di’ parola;
Po’ jettanno – lacremanno
nu suspiro pe sfocà,
da dint’ ‘o core
Cacciajeno a migliaia atte d’amore.
Co ‘a scusa de donare li presiente
se jetteno azzeccanno chiano chiano.
Ninno non li refiutaje,
l’accettaje – comm’ a dì,
ca lle mettette
le manne ‘n capo e li benedicette.
Piglianno confedenzia a poco a poco,
cercajeno licenza a la Mamma:
se mangiajeno li pedille
coi vasille – mprimmo, e po’
chelle mannelle,
all’urtemo lo musso ei maschiarelle.
Po’ assieme se mettettero a sonare
e a cantá co’ ll’Angiule e Maria,
co’ ‘na voce – accossí doce,
che Gesù facette: a aa…
E po’ chiudette
chill’uocchie aggraziate e s’addurmette.
“Viene suonno da lu cielo,
viene adduorme a sto Nennillo;
pe pietá ch’è piccerillo,
viene suonno e non tardá.
Gioja bella de sto core,
vorría suonno addeventare,
doce, doce pe’ te fare
st’uocchie bell’ addurmentá.
Ma si Tu, p’esser’ amato
Te si’ fatto Bammeniello,
Sulo Ammore è ‘o sunnariello
che dormire Te pò fá
Ment’è chesto può fa nonna
pe Te st’arma è arza e bona
T’amo t’a…Uh, sta canzona
giá t’ha fatto addobbeá!”
T’amo Dio, bello mio
t’amo Gioja, t’amo, t’a’
Lo ‘nfierno solamente e i peccature
‘ncocciuse comm’a isso e ostinate
se mettettero appaura,
pecché a scura – vonno stá
li spurtagliune,
fujenno da lu sole, li briccune.
Io pure sóngo niro peccatore,
ma non voglio èsse cuoccio e ostinato.
Io non voglio cchiù peccare,
voglio amare – voglio stá
co’ Ninno bello
comme nce sta lo boje e l’aseniello.
Io non voglio cchiù peccare
voglio amare, voglio stá
co’ Ninno bello
comme nce sta lo boje e ll’aseniello
A vuje, uocchie mieje, doje fontane
avite a fá, de lacreme, chiagnenno
pe’ lavare – pe’ scarfare
li pedilli de Giesù;
chisá, placato
decesse: Via, ca t’aggio perdonato.
Biato a me si aggio ‘sta fortuna!
Che maje pozzo cchiù desiderare?
O Maria – speranza mia
ment’io chiagno, prega tu:
penza ca pure
sì fatta mamma de li peccature.
Buona parte è racchiusa in questo bellissimo filmato con cui auguriamo Buon Natale più che mai a coloro che ci seguono.